2026-03-17
Эрчим хүчний сайд Б.Чойжилсүрэн, Боловсролын сайд П.Наранбаяр нар ажлаас чөлөөлөгдөх өргөдлөө өгөв.
Эрчим хүчний сайд Б.Чойжилсүрэн, Боловсролын сайд П.Наранбаяр нар ажлаас чөлөөлөгдөх өргөдлөө өгсөн.
Өчигдөр өглөө Засгийн газар ээлжит бусаар хуралдаж дээрх хоёр сайдын асуудлыг хэлэлцэх байсан ч Засгийн газрын тогтвортой байдлын үүднээс сайд нараа явуулахгүй байх нь зүйтэй гэж үзэж байсан. Тэгвэл маргааш өргөдлөө өгсөн хоёр сайдыг огцруулах асуудлыг нэгсэн чуулганаар 14:00 цагт хэлэлцүүлэхээр дараалалд оруулжээ.
ХҮН нам салбараа өөрчилж Эрчим хүчний сайдаар УИХ-ын гишүүн Б.Найдалааг томилуулах сонирхолтой байгаагаа илэрхийлсэн талаар өмнө нь мэдээлсэн. Тэгвэл яг одоо ХҮН намын Төлөөлөх зөвлөл энэ асуудлаар хуралдаж байгаа аж.
Харин УИХ-ын гишүүн Л.Энх-Амгаланг Боловсролын сайдаар томилох асуудлыг ч ярьж байгаа талаар эх сурвалж мэдээлсэн. Мөн энэ асуудлыг яг одоо МАН-ын дарга нар хэлэлцэж байгаа бөгөөд үдээс хойш өргөдлөө өгсөн хоёр сайдын оронд хэнийг томилох нь тодорхой болох аж.
Үндсэн хуулийн Гучин есдүгээр зүйлийн 4 дэх хэсэгт “Засгийн газрын гишүүнийг Улсын Их Хурал, Ерөнхийлөгчид танилцуулснаар Ерөнхий сайд томилж, чөлөөлнө” гэж заасны дагуу Монгол Улсын Засгийн газрын гишүүнд нэр дэвшигчдийг УИХ-д танилцуулдаг.